Ua riro te ha’api’ipi’ira’a PSE1 (hōturura’a mātāmua ravera’a pupu fāito 1) ‘ei ha’api’ipi’ira’a tei hōro’a atu ia ‘outou i te mau moiha’a faufa’a no te tauturu i te hō’ē aore ra te tahi mau ta’ata ‘ati e au i te pae o te rave-‘ihi-ra’a aore ra i te pae o te ta’ata ora e mā te fa’a’ohipa aore ra mā te fa’a’ohipa ‘ore i te mau moiha’a fa’aora a tīa’i noa atu ai i te mau hōturura’a fa’ata’ahia a te hau.
E tupu teie ha’api’ipi’ira’a e 35 hora te maoro (tōna aura’a hō’ē hepetoma), e tupu te reira mā te tuha’a hō’ē ‘aita e nehenehe e tāpupu iana.
E hāmata teie ha’api’ipi’ipi’ira’a i te hora 8h30 e fa’aoti atu ai i te hora 16h00, e tupu te hora tamā’ara’a (e mea ‘āmui te rahira’a o te taime (na ‘outou e amo teie ha’amau’ara’a)) i rotopū i te hora 12h00 e te hora 13h00.
E tupu te fa’a’āpīra’a fa’ahepohia i te mau matahiti ato’a e hō’ē mahana te maoro. Natira’a fa’atorora’a i te fa’a’āpīra’a.
Te fa’a’ohipara’a e au i te fa’aturera’a fa’ata’ahia no taua ‘ohipa hōturura’a ra e te fa’aturara’a i te mau fa’anahonahora’a tei fa’aotihia ia au i taua mana ‘ohipa ra.
Te hōro’ara’a i te tahi pārurura’a vave, tū’ati e tāmau, no na iho, no te ta’ata ‘ati e te mau ta’ata ‘ati ato’a e ‘aua ha’ati nei iana.
Te ravera’a i te hō’ē pū’ohura’a e te fa’ataera’a i te mau pū fa’ata’ahia no te reira.
Te fa’atupura’a i te mau ravera’a mātāmua o te hōturura’a i mua i te hō’ē ta’ata :
- Te āraira’a māna’o-‘ore-hia o te hutira’a aho
- Te mau pēpē tino
- Te mata pōiri
- Te tūa’ira’a māfatu
- Te mātini uira tūpa’ira’a māfatu
- Te mau ‘ati faufa’a ora
- Te mau mānihinihi e te ma’i
- Te mau ‘ati o te ‘iri
- Te mau fifi o te mau ivi e te mau uaua
- Te paremora’a
Te turura’a i te mau ta’ata hōturu (PSE2), i mua i te mau ravera’a taimāmūra’a, te amora’a aore ra te ‘āfa’ira’a.
Fa’atū’ati i tōna huru i mua i te terera’a ‘ati aore ra te huru o te ta’ata ‘ati.
I te roara’a o te ha’api’ipi’ira’a, e ‘aitaui ‘outou i rotopū i te mau ‘aitauira’a ha’api’ira’a parau, fa’a’ohipara’a e te mau hi’opo’ara’a i muri mai i te tahi mau fa’atupura’a ‘ohipa.
