E vāhi tata'u-roa-hia te vāhi 'ohipahia e te mau pū ha'apa'arira'a 'ite, e ’inaha, e mea iti roa te ta'ata e māramarama ra i te tōro'a 'orometua ha'api'ipi'i i te ta'ata pa'ari.
E mana'o noa tātou e, hō'ē ā e te ti'ara'a 'orometua ha'api'i tamari'i, 'inaha 'ua hape roa teie mana'o. ’E mea ta’a’ē te mau fa’aotira’a e ravehia e te ’orometua ha’api’i ta’ata pa’ari, e mea ta'a'ē te mau 'ohipa e fāna'ohia e ana, e e taui noa tāna mau pīahi. E fa'atere ato’a oia i tāna mau ha’api’ira’a i roto i te hō’ē tau poto, e, nō te tahi mau fā, ta’a-maita’i-hia e ana : i mua ānei i te ôpuara'a e ha'apa'ari i tō rātou 'ite, i mua i te ôpuara'a, e ha'amata 'āpi i te tahi toro'a, 'aore ra, nō te arata’i māite i te feiā e ’imi ra i te ’ohipa, i ni’a i tahi ha’atumura’a ti’ara’a rave ’ohipa.