Ua riro te ta’ata fa’aau faufa’a ‘āi’a ‘ei ti’a ‘aitauira’a i rotopū i te mau fatu faufa’a e te feiā ho’o. Ia au i te mau mana e mauhia ra e ana, nāna e ti’a’au i te mau tuha’a ‘ohipa ato’a o te tapiho’ora’a, mai te faitōra’a o te faufa’a, te haruharura’a o te faufa’a i roto i te fare ho’ora’a fare, te mau papa parau ato’a, e tae noa atu te tu’urimara’a i te parau fa’aau i mua i te notēra e te parau tāpa’oho’o.
Te rirora’a ‘ei ta’ata fa’aau faufa’a ‘āi’a, (aore ra ti’a ho’o faufa’a ‘āi’a), e mea titauhia te tahi ‘ite ‘aravihi i te pae o te ho’ora’a e tae noa atu ra te tahi puai ta’a’e i te pae o te fa’aro’o e te ‘umehani, e te ‘ite te raura’a o te mau fa’ahepora’a a te ture e tō te ho’ora’a ato’a.
Ha’api’ira’a e 21 mahana te maoro, e ō te hō’ē tau ha’apa’arira’a i roto i te hō’ē taiete ho’ora’a faufa’a ‘āi’a, e horo’a te reira i te mau moiha’a ato’a e maoti ra te tahi ha’api’ira’a tumu rau e au i te mau huru tōro’a ato’a e vai ra i roto : te mau rāve’a o te tapiho’ora’a, te mau papa o te ture tivira e tō te ture fenua, mā te hi’opo’a maitē te paruparu o te fare e tapiho’ohia ra ia tae i te hō’ē rave faitōra’a maiteta’i.
E hāmata taua ha’api’ipi’ira’a ra ia ra’e-ana’e-hia e 5 ta’ata ha’api’i.
‘Ite i te fa’aturera’a ‘ohipa i te pae o te faufa’a ‘āi’a.
Te mau-pāpū-ra’a i te fārereira’a hōani e te ‘aimārōra’a o te faufa’a ‘āi’a.
‘Ite te mau papa parau o te ture faufa’a ‘āi’a : ture tivira e te ture fenua.
Te ‘ite-pāpū-ra’a te parau o te tapiho’ora’a e tō te tārahura’a ; ‘ite i te pāpa’i i te hō’ē parau fa’aau.
Hi’opo’a maitē te mau vahi maita’i e tō te paruparu o te mau faufa’a ‘āi’a ia roa’a mai te tahi rave-faitōra’a maita’i.
Tuatāpapara’a ‘ohipa – Fa’a’ohipara’a – rave ‘āmui te ‘ohipa e te ha’apa’arira’a i roto i te hō’ē taiete ho’o faufa’a ‘āi’a.
Ua rau te mau ti’a ha’api’i no rāpae mai e mau nei te mau tōro’a ti’a ho’o faufa’a ‘āi’a aore ra notēra.
