Ua riro te putu parau uira o te fa’anahora’a papa parau Word, no roto mai ia « Microsoft Office (e 365), ‘ei rāve’a no te tauturu ia ‘outou i te pāpa’i te mau huru papa parau ato’a, raura’a parau (hōho’a, tāpura, ‘āna’ira’a rau) aore ra ‘aita (rata poto noa) tō rātou fa’anahora’a, e tae noa atu tō rātou huru ha’apurorora’a. E riro teie ha’api’ipi’ira’a i te tauturu ia ‘outou ia mau pāpū te mau fa’aturera’a mātāmua o te putu parau uira Word no te hāmani i te tahi hi’ora’a rata fa’ata’ahia no tā ‘outou nei taiete, e no te nene’ira’a.
Ha’amātau i roto i te piara’a mātāmua o taua putu parau uira ra e te ‘ite pāpū te mau moiha’a ato’a e vai ra no te hāmanira’a i tāna papa parau e te fa’a’ohipa-maite-ra’a ia rātou.
Pāpa’i te tahi papa parau, hi’opo’a te reira e te fa’atū’atira’a i te mau huru pāpa’ira’a e tō rātou ‘āpapara’a.
Fa’atura te mau fa’aturera’a o te pāpa’ira’a.
Ha’afaufa’a te hōho’a o tāna taiete mā te aupuru i te upo’o e te ‘āvae o te ‘api parau.
Fa’atū’ati te hōho’a haruharura’a ia au i te mea tei ‘ōpuahia (hi’ora’a, nene’ira’a, ha’apurorora’a rata uira) e te fa’anaho i tāna papa parau.
Pāruru i tāna papa parau.
Hi’opo’a na mua roa e te fa’atanora’a na mua a’e te nene’ira’a.
